1942-жылдын августунда Дмитрий Сергеевич фронтко кайтып келет да, биринчи эле салгылашууларда анын танкын Козель операциясынын жүрүшүндө согуп салышат. Экипаж 40 мүнөттүн ичинде душмандын огу менен машинаны оңдоого туура келген. Фоломеев кайрадан жаракат алган, бирок башкарууну уланткан. Ушул операция үчүн ал өзүнүн биринчи сыйлыгын — "Эрдик үчүн" медалын алган.

1943-жылдын январына чейин танктык бригада тыныгуу алып, аларды Жогорку Башкы командачынын ставкасынын резервине чыгарышкан. 13- январдан баштап Воронеж фронтунда Острогожск-Роccошь операциясы башталган. Фоломеевдин танкы башкалар менен бирге бир кыштактын артынан экинчисин бошотушкан, андан кийин капысынан Россошь шаарын алган. Танкисттер өздөрүнүн күтүүсүз жерден пайда болуусу менен 15 баланын өмүрүн сактап калышкан. Анткени фашисттер чегинип баратышып, үйлөдүн бирөөсүнүн жертөлөсүндө аларды тирүүлөй өрттөөнү пландаштырышкан. Самандарды даярдап коюшуптур... Эми ушул шаарда ошондой эле Фоломеев атындагы көчө бар.

Көтөрүлүүдөн кийин кайра түшүү: "Красный молот" колхозуна жакын Фоломеевдин танкы карлуу жарга тыгылып калган. Устундарды таап, казып алганча негизги күчтөр алдыга кетип калышкан. Жардан чыккандан кийин экипаж атылган үндөргө карай баратышты. Танкисттер ойлогондой, бул алардын полкундагы балдар согушуп жатышты. Танк Михайловка кыштагына киргенде, түшүнүктүү болду — фашисттер качып жатышат, атынып жатышат. Экипаж дароо согушка киришип, душмандын каршылык огун басышты.

Михайловкадан Фоломеевдин танкы чыкканда Белая дарыясы аркылуу жалгыз көпүрөнү тосуп салышты, гитрлерчилерди кетирбей, алты сааттын ичинде коргоонууну кармап турушту. Танкисттер ошондой эле 22 солдат жана офицерди туткунга жана негизги милдети партизандар менен күрөшүү болгон 156-италиялык альп дивизиясынын, 15-немистик полициялык полкунун 3-батальонунун маанилүү документтерин алышты. 1946-жылдын январында бул документтер, атап айтканда фашисттер аткан тынч жашоочулардын (алардын ичинен балдар) тизмелери Нюрнберг процессинде колдонулган.

Баса, Фоломеев өз тактикасында "Гастелло ыкмасын" бир нече жолу колдонгон — душмандын танкын капталынан сүзгөн. "Отуз төрт" немис машиналарынан оор болгон, ал максаттуу түрдө жасалган.

Эки күндөн кийин Татарино айылы үчүн жаңы согуш болуп, анда Дмитрий Сергеевичтин танкы акыр аягына чейин талкаланган. Негизги күчтөр келгенге чейин кыймылдабаган машинада танкисттер 20 саат бою душмандын чабуулун кайтарып жатышты. Жыйынтыктуу болду: 4 душмандын танкы, 4 мотоцикл, 2 талаа ашканасы, 4 танкка каршы жабдуу, 15 автомашина, 8 пулемет талкаланып жана 100гө жакын жоокер жана офицер өлтүрүлгөн. Ошондой эле советтик танкисттерге да кыйын болду: Фоломеев бутун тоңдуруп кайра жарым жылга госпиталга түштү, ал жерден Ленин ордени жана Алтын жылдыз медалын ыйгаруу менен Советтер Союзунун Баатыры наамы, ошондой эле кезектеги улук лейтенант аскердик наамынын берилгендигин билди. Ал 1945-жылдын 21-апрелинде болгон.

Согуш бүткөндөн кийин баатыр-танкист кызматын аскердик-курулуш иштер башкармалыгында Москва облусунун Домодедово посёлогунда улантты. Бирок согуштун жаракаттары 1954-жылы өзүн сездирди: ден-соолугунун начарлашына байланыштуу кызматты таштаганга туура келди, ал эми эки айдан кийин 4-июлда Фоломеев каза болгон.

1975-жылдын 24-апрелинде Улуу Жеңиштин 30 жылдыгына карата эмгекчилердин Хабаровск крайлык Депутаттар кеңешинин депутаттарынын аткаруу комитетинин чечими менен "Советтер Союзунун баатыры Дмитрий Сергеевич Фоломеевдин элесин түбөлүккө калтыруу үчүн Тупиковая көчөсү Фоломеев атындагы көчөгө өзгөртүлдү".

Дмитрий Фоломеев, ачык булактардан алынган сүрөт.